2010 – cu ildə Bakı şəhərinin məktəblilərinin iştirakı ilə II “İntellekt Marafonu” keçiriləcək.
Azərbaycan Respublikasının prezidenti cənab İlham Əliyevin “Xüsusi istedada malik olan uşaqların (gənclərin) yaradıcı potensialının inkişafı üzrə Dövlət Proqramı” haqqında sərəncamına əsaslanaraq Təhsil Nazirliyinin dəstəyi ilə “XXI ƏSR” Ümumtəhsil Mərkəzi (Ü.T.M.) 2009 – cu ildən başlayaraq “İntellekt Marafonu” keçirir.
Əsası Pedaqoji Elmlər Doktoru Ziqanov Marat Aleksandroviç tərəfindən qoyulan “İntellekT Texnologiya”sı 20 il bundan əvvəl yaradılmışdır. “Ü.T.M. – XXI ƏSR” 2003 – cü ildən “İntellekT” proqramının Azərbaycanda rəsmi dustribüteridir.
“Ü.T.M. – XXI ƏSR” – in şagirdləri hər il Moskva şəhərində Lomonosov məktəbi tərəfindən keçirilən Beynəlxalq İntellekt olimpiadalarında iştirak edir və müxtəlif yerlər tuturlar.
2008 – ci ildə Bakı şəhərinin 5 məktəbinin iştirakı ilə I şəhər “İntellekt Marafonu” keçirilmişdir. “İntellekT” proqramını tətbiq etməklə “Ü.T.M – XXI ƏSR” hər bir şagirdə özünə inamlılığı aşılayır.
“İntellekt Marafonu – 2010” – un keçirilməsinin əsas məqsədi şagirdlərin intellektual inkişafını üzə çıxarmaq, özünü intellektual cəhətdən inkişaf etdirən şagirdləri həvəsləndirmək, tədrisin inkişafında intellekt texnologiyasının bir alət rolu olduğunu yaymaq, yeniyetmə şagirdləri intellektual fəaliyyətə cəlb etməklə neqativ hallardan yayındırmaq və sosial problemləri həll etməkdir. “İntellekt Marafonu - 2010” iştirakçıları II – VIII sinif şagirdləri ola bilərlər. “İntellekt Marafonu - 2010” 3 dildə - azərbaycan, rus və ingilis dillərində keçirilir.
19 dekabr 2009 – cu il tarixindən başlayaraq 6 həftə ərzində “Ü.T.M – XXI ƏSR” – də müəllim və şagirdlər üçün treninqlər keçirəcəkdir.
Şagirdlər üçün keçirilən treninqlərin məqsədi – tapşırıqların növü ilə tanışlıq, tapşırıqların hazırlanması və yerinə yetirilməsidir.
Müəllimlər üçün keçirilən treninqlərin məqsədi – “İntellekt Texnologiyasının” tanınması və yayılmasıdır. Bu treninqlərin əsas məğzi şagirdləri yorulmadan öyrətməkdir.
“İntellekt Marafonu – 2010” II turdan ibarətdir.
I seçim turu Bakı şəhərinin məktəblərində keçiriləcəkdir.
II əsas tur “Ü.T.M. – XXI ƏSR” – də keçiriləcəkdir Bu turda qaliblər müəyyən olunacaq və mükafatlandırılacaq.
Vaxt və müddət əlavə elan olunacaqdır.
“İntellekt Marafonu-2010”-un I Seçim turu keçirildi
Mart ayının 13-də “Ü.T.M.-XXI ƏSR” –in təşəbbüsü və rəhbərliyi ilə Bakı şəhəri üzrə “İntellekt Marafonu-2010”-un I Seçim turu keçirildi. Bu turda Bakı şəhərinin 128 məktəbindən 1088 şagird iştirak etdirdi. Marafon yüksək səviyyədə keçdi.
Bu tura “Ü.T.M.-XXI ƏSR”-də keçirilən treninqlərdə iştirak etmiş şagirdlər buraxılmışdırlar.
Nəticələr saytda yerləşdirilib.
| 
