4-5 aprel tarixində Bakıda Heydər Əliyev adına əl oyunları sarayında ətraf mühitin mühafizəsinə dair – “Inepo Avrasiya” II Beynəlxalq Ekoloji Olimpiadası keçirildi.

Olimpiadada 30 ölkənənin nümayəndə heyəti iştirak edirdi.

Tədbirdə Azərbaycanın, Albaniyanın, Türkiyənin, Gürcüstanın, Rusiyanın, Qazaxıstanın, Türkmənistanın, Rumıniyanın, Nigeriyanın, Pakistanın, Hindistanın, İndoneziyanın, İraqın və başqa ölkələrin gənclər təşkilatlarının nümayəndələri iştirak edirdilər.

Olimpiadanın əsas məqsədi şagirdlərin ekoloji problemlərin həll edilməsi yolunda maariflənməsi və tərbiyələnməsi idi.

Təşkilatçı qismində Azərbaycanın Təhsil Nazirliyi, Ekologiya və Təbii sərvətlər Nazirliyi, Fövqaladə hallar Nazirliyi, Dövlət Neft Şirkəti və Türkiyənin “Çağ öyrətim” təhsil kompaniyası çıxış edirdi.

Bu olimpiadada başqa dövlətlərlə bərabər Azərbaycan məktəbləri, həmçinin bizim Mərkəzin şagirdləri Hüseynova Gözəl və Əzimova Nailə də iştirak edirdilər.

Şagirdlərimiz Olimpiadanın beynəlxalq xarakter daşıdığını nəzərə alaraq həm Azərbaycanın, həm də Dünyanın Qırmızı kitabına daxil edilmiş 12 növ quşun mühafizəsi mövzusuna toxunmuşdular.

Mərkəzimizin hazırladığı stendlər, maketlər, həmçinin animasion disklər böyük bir marağa səbəb oldu.

Axırda müxtəlif nominasiyalar üzrə ayrı-ayrı komandalar bürünc, gümüş və qızıl medallarla təltif olundular.

Şagirdlərimiz Əzimova Nailə və Hüseynova Gözəl “Ətraf mühitin sosiologiyası” nominasiyasında birinci yerə layiq görüldülər və qızıl medalla təltif olundular.